2011年4月4日 星期一 晴
今晚book左cici試妝
約左Peggy & Cherry兩個好姊妹陪我
去到cici間店坐低
cici問我想要咩look
我up唔出呀… 都冇做過功課
可能心理未夠準備 未感受到結婚既喜悅所以真係冇咩感覺
因為間店仲有另一位化妝師同埋試妝人
地方淺窄 兩位好姊妹出左去食野先
佢地1小時後再回來
cici比左d sample我睇
不過我仍然唔知自己想要乜
最後我同佢講 〝我要前後左右同頭頂都有野睇既髮型〞
哈哈 其實都係唔知自己up乜…
第1個褂 look
cici造完真係拎住塊鏡前後左右咁照比我睇
頭上面有辮仔 左邊束上去 右邊頭髮下擺繞圈圈
到時再係側邊加花花
如果後邊由左邊開始加花花至右邊
成頭都係花 個髮型應該幾靚我最鐘意花 哈哈
第2個婚紗晚裝 look
姊妹問我想要咩頭 我答:〝靚lor〞
(哈哈 個個都即時滴晒汗！)
我還是沒頭緒 最後姊妹幫我係sample揀的
左邊放長髮再電卷
右邊頭上有好多個圈圈
呢個look比褂look年輕左好多
即時似番我個年紀 哈哈！
cici間店雖然好細
但係麻雀小小 五臟俱全呀
成間店都係大大小小既首飾同頭飾
仲分開晒唔同顏色既區間 井井有條
好多頭飾都好靚呢 不過晚裝得3個look
我鐘意果d好大個好大個既頭飾
Peggy都講得啱 我其實係偏向鐘意浮誇
不過要睇下到時揀咩晚裝先
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
最後當然落左訂 3隻金牛又冇左lu
唔想再搵啦 cici本身好多人book
好多人早1-2年前已經book佢
我距離結婚9個月都唔夠先搵佢
知道佢有期果刻我好開心ga
很早前已經留意過佢
其實男朋友媽咪之前都介紹左朋友個女比我
都係化妝師 不過睇過她的作品不合心水
最後都冇約佢試妝
姊妹話兩個妝都化得我好瘦同比較黑
其實我都覺 仲有對眼化得奇大 哈哈
可能cici見我皮膚偏黑 所以foundation用深左個色tone啦
同埋佢幫我打陰影等塊面對稱d 結果變左瘦面
cici話big day時幫我打光影好d
〝個個女仔都要我打陰影 第1次聽到有客人要我打光影〞
哈哈哈哈哈~
試完妝已經9點幾
我地3個去左霸王山莊食野傾計
Peggy同Cherry都係第1次見對方
加埋我3個女人1個墟呀
傾到12點先捨得走呢！
明天試婚紗啦
我地3個可以又再見面^^
沒有留言:
張貼留言