青馬橋下的堆沙人

2015年5月1日  星期五  陰

小芊芊 ♥ 30Months 20Days

東灣泳灘◎馬灣

五一假期第一天

一早的計劃是去沙灘

本來暫定去南丫島

後來因為一訓就訓到10點

再望下我地那熱力無窮充滿陽光的房間

我地完全有衝動想開行冷氣繼續…

〝我要同陽光玩遊戲呀~~~~~〞

初夏繽紛沙灘LOOK :D

不過戶外活動仍是要有的呢！

我暫時仲未有逃避太陽既想法

(呢個想法過多兩個月先啦…)

最近既沙灘不再是target

唯有再諗近少少既

坐車去葵芳再轉車就到

(咁都算近少少嗎？)

馬灣東灣泳灘

除左屯門的沙灘可以1小時內到

呢個沙灘已經算係咁

加埋晒太陽等車1小時到達

算快架喇 :)

去到沙灘前要做熱身先架

係小芊芊發現左既遊樂場玩左大半個鐘

再去supermarket買零食

簡單地準備好了

我們的海灘下午茶 :) :)

一去到遊樂場 就有位姐姐拖住佢話一齊玩

仲好照顧小芊芊 上樓梯sir滑梯都拖到佢實

仲有叫佢小心啲 :)

好耐好耐冇見過呢種傳統氹氹轉 :)

呢隻monkey芊 個氹氹轉比佢玩到出神入化~~~

仲叫我同佢影相 ^v^

喂喂喂~~熱身完畢喇~~~

哇！個灘多人到呢~~~

只可以用〝人頭湧湧〞同〝插針都唔入〞咁來形容

東灣好短 半隻眼望得晒

其實真係好細架咋

不過呢度充滿著全港18區n咁多個家庭

好好彩都比我地找到個好靚既位置

可以起基地喇 :) :) :)

係青馬橋底既沙灘下開餐真係幾有享受感覺XD

我地各自活動

小芊芊當然玩佢最愛既沙沙

我就開餐博命食零食 XD

daddy就攤係度晒太陽 (太陽在哪方？XD)

其實小芊芊最想係落水

一話拎個桶出去載水水佢就一支箭衝出去

手都唔洗我拖呀~~~

送上動感照一幅 :)

好悶焗既天熱 佢條辮子紮完又甩甩完又紮

踢水是必須的！

等我拍下父女情先~

慈父？！？！？！XDDDD

爸媽假期一定要有的親子時光 :)

千千媽的開心豬 ^3^

開心豬真係好鐘意玩沙

我由唔鐘意去沙灘

因為小芊芊而變得好喜歡去

佢見到有哥哥姐姐係個海度

好羨慕咁同我講

〝媽咪~其實我真係好想游水架！〞

雖然話今日好好太陽

但其實係陰陰地天

下午我地係沙灘都冇太陽曬到

d水仲好凍下架~

唔緊要啦 水水就等天氣熱d時候再玩啦

畢沙沙一樣咁好玩架姐~~~

曾經 daddy話買動力沙比佢玩

為何有真沙唔玩玩假沙呢…

邊個搞搞震？

哈哈哈~ daddy都一齊玩啦~~~

比人收埋隻腳勁開心

雖然人多 不過有靚沙靚景

HAPPY BEACH DAY^^

之後約左個姊妹食dinner

1830葵芳新都會廣場不見不散 :p

我地5點半話走但失敗地搞到6點先走得甩

去到左邊車站見到果條超級長龍…

掉頭走左去右邊車站等其他巴士

同樣地超級長龍

連的士站都係超級長龍

千千媽：咩事呀？洗唔洗咁多人呀？

早知去返南丫島啦！

daddy：今日咩日子？51喎！唔係唔多人呀？

入左南丫島冇8點你都唔洗旨意返出黎呀！

千千媽：-__________________-"

原來勞動節唔係比人休息…

係比人去勞動架 XoX

有朋友去左東壩 排左一小時都未上到的士

又有朋友去布袋澳 巴士的士站全部都打滿蛇餅

仲有朋友去左長洲 話成個洲比人鋪密左…

係葵芳等緊我地一家既可憐朋友仔

足足等左我地一個小時

好彩朋友好好人冇嬲嬲豬咋 :D

與好朋友既一頓好美味既晚餐

點了個靚靚桂花汁雪梨酥作結 :)

☁☁☁ THE END ☁☁☁