昨晚回媽咪家吃晚飯 吃到很飽
想起要行去巴士站搭巴士回家就辛苦
所以最後留在家睡一晚
今朝要去廣華上產前運動班
直接約老公在廣華門口等
近來對放假一點都不sensitive
以前對放小長假和打風日子都好留意
現在有時連星期六是短週都以為要返工呢…
可能現在冇得去旅行啦
放假都沒從前的興奮 (真可憐 v_v)
和爸爸媽媽青青在茶餐廳吃過早餐後
我就自己坐地鐵出發
去到油麻地下車 就經已走不動了
上去lobby出閘的路程我已抖了兩次(非常短的路程)
再上樓上到一半 幾乎要想找架白車送我去只隔2條街的醫院
本來想叫老公過來接我 但他的巴士還未到站
那我唯有慢慢行過去啦 (仲要行2個街口 那刻覺得條路真好漫長!!!)
這時才知道原來掛了一號風球 空氣極差 又焗又熱…
好辛苦才走到家樂商場 站在那裡等了老公一會
還以為是實習課 會在軟墊上做運動那種呢
原來是講座 之後的fit ball班才會去物理治療室做運動
不過我報唔到fit ball班 冇得玩大波波
其實之前產檢 醫生叫我報名時老公已立即上網幫我搞
但一click入去所有talk class 都已full
之後跟日子即時報都唔係個個class都報到
廣華真的太多孕媽媽呢
OSCAR又照唔到 運動班又報唔到~~~
不過今日教做的運動既容易又有用
都係一些可坐係度就做到既動作
物理治療師都講得唔錯呢
原來聽talk都可以拿到診紙
等我仲請了annual leave 哈哈
12點走得 約了舊同事3點在尖沙咀食tea
還有3小時 老公想回公司做野 我唔知做咩好
一出醫院行幾步又見滿天星 連商場都冇心機行
本來想回媽咪家但又唔想回家一會又出尖沙咀
最後跟老公返公司 佢做佢既野 仲比左搭野我filing…
等佢出糧果日向佢支返兩個鐘薪金先
其間跟舊同事改地點去老公公司樓下食
今日真係太辛苦 行步路都咁辛苦 想起出尖沙咀就怕
3點鐘 舊同事1家3口+印印姐姐
還有舊同事2 我和老公7人來個6人聚會
人家老公真好呢 會幫bb揀奶粉 又識照顧老婆
我半蹲在地和bb玩 老公都冇理我
人家老公一見到就叫我起來 說我現在唔可以踎
是啊 今朝物理治療師才說過
老公 你到底有冇聽書架呢???
舊同事的bb是1歲多的仔仔
同事媽媽說我現在的肚子形狀跟她當年的一摸一樣
我還未跟她說我的小芊芊是女兒
她驚訝的說一看就以為我肚子裡的是仔仔呢
人人都叫我check多次啦 話仔仔照錯是女女的機會很大…
唔唔…弄得我越來越唔sure啦 我的小芊芊…
老公約了星期二帶我去看私家醫生再照多次
他說要confirm多次性別才敢買bb的東西~~~
今天大家的話題全都是圍繞生仔和湊bb
他們教我和老公那裡買bb用品便宜 bb仔bb女食咩奶粉好etc.
舊同事的bb都是在廣華醫院出世的
原來她那時還未有乙鏈篩查的 廣華已給我預約了在34週照呢
同事媽媽都叫我勤力d搽肚紋膏和帶托腹帶
帶了肚子沒那麼墜 會舒服一點
看來我要快點買來帶了 有時候(特別走得多路的時候)
我雙手把小肚子托起 胃和腰都會覺得舒服d
獲益良多的一天^^
我的孕事記 ♥ 產前檢查篇
我的孕事記 ♥ 小寶寶成長篇
我的孕事記 ♥ 準爸媽期待篇
沒有留言:
張貼留言